بيتزا

هو :
بدي اطلب بيتزا .. بدك شي؟'

هي:
'لا.'

هو :
'اوكي..'

هي :
'و لا اقلك ..؟'

هو:
'ها .. بدك اطلب لك كمان؟'

هي:
'ما بعرف.'

هو :
'ما بتعرفي اذا بدك شي؟'

هي :
'لا.'

هو :
'انتي جوعانة؟'

هي:
'يعني ..'

هو :
'شو يعني يعني...؟'

هي:
'يعني معناها مو متأكدة اذا كنت جوعانة او لا.'

هو:
'الواحد لما يكون جوعان بيعرف'

هي :
' يمكن جوع بعدين'

هو:
'معناها اطلب لك بيتزا..'

هي :
'طيب و اذا ما كنت جوعانه..؟'

هو:
'ما تاكلي.'

هي:
'بس هيك بيكون تبذير'

هو:
'طيب .. بتاكليها بكرة.'

هي:
'و اذا ما كان الي نفس آكل بيتزا بكرة؟'

هو:
'هاي ما بدها نفس .. الواحد بيقدر ياكل البيتزا كل يوم '

هي:
'انا لا .. ما باكل بيتزا الا لما يكون عندي نفس للبيتزا.'

هو:
'معناها بطلب لك شي تاني'

هي:
'بس انا ما بدي شي تاني'

هو:
'يعني بدك بيتزا؟.'

هي:
'لا.'

هو:
'يعني ما بدك شي؟.'

هي:
'امبلى.'

هو :
'جننتي سماي شو بدك؟'

هي:
'اطلب انت لحالك..'

هو:
'اخيرا .. ماشي..'

هي:
'بس اطلب بيتزا بالتونا'

هو:
'بس انا ما بحب التونا.'

هي :
'بس انا بحبها.'

هو :
'شو انا بدي اطلب الي و لا الك...؟!'

هي:
'الك طبعا.'

هو :
'طيب و ليش بالتونا. ..؟'

هي:
'يمكن جوع لما يوصل الاكل'

هو:
'و شو يعني؟'

هي :
'بالله؟ شو يعني فكرك آكل شي ما بيعجبني؟'

هو:
'ليش انتي بدك تاكلي؟'

هي:
'ليش لا ؟'

هو :
' يا مثبت العقل و الدين .. هلأ انا لازم اطلب بيتزا الي , منشان انتي تاكليها اذا كنتي جوعانه؟؟'

هي:
'بالضبط.'

هو:
'و انا شو بدي آكل؟'

هي:
'مهو يمكن ما كون جوعانة...'

لا شكر على واجب
نورتي الموضوع بإطلالتك
مرحبا